حلوة الأوريوا من المطبخ المغربي



المقادير كما في المطبخ المغربي : 
رابعة الزبدة 
رابعة السنيدة 
كاس زيت 
أربع بيضات 
خمارة الحلوة 
خمس دراهم كاكاو مر 
الدقيق حسب الخليط 

طريقة التحضير : 

كما العادة في قصرية نحك الزبدة  مع السنيدة، ثم نضيف
 البيض ونخلط مزيان ونزيد الكاكاو ثم الدقيق مع الخمارة
 ونجمع الخليط حتى نحصل على عجينة لينة متماسكة 
ونقسمها على جوج، تغطى ببلاستيك غذائي تترك ترتاح 
شوية ثم نأخذ العجين وتسرح بالمدلك كما العادة سمك 
عجينة الصابلي ونمرر فوقها المدلك المرشوم كما في الصورة
 ونبدأ بالتقطاع دوائر بالمرشم كما في الصورة لنحصل على 
دوائر. 


http://www.cuisinepress.com/
ثم ندهن لاطة الفرن بالزيت ونصفف دوائر الصابلي فيها 
وندخلها الفرن حتى تطهى، من بعد مانخرجها نكون ذوبت 
الشكلاط الأبيض مع شوية الزيت ونبدا نلصق الدوائر 
بالشكلاط أو المورينك حسب الإختيار وطريقة تحضير المورينك 
كالتالي : 
المقادير : 
كاس سكر كلاصي 
بياض بيضة 
الطريقة : 
في إناء عميق يضرب بالضراب الكهربائي السكر مع بياض
 البيضة حتى نحصل على خليط أبيض ثقيل. 
ونلصق بيه الحليوات كما في الصورة 

http://www.cuisinepress.com/

http://www.cuisinepress.com/

وبالصحة والراحة 

طاجين الملوخية من المطبخ المغربي


المقادير كما في المطبخ المغربي : 

نصف كيلوا لحم غنمي أو بكري 

نصف كيلا ملوخية 

شوية الملح 

شوية الإبزار 

شوية سكنجبير 

شوية الخرقوم والزعفران 

شوية القزبر والمعدنوس

نصف كاس زيت مخلط رومية وبلدية 

حبتين من الطماطم 

بصلة مشلظة 

طريقة التحضير : 



نشحر اللحم أولا  مع البصلة والربيع والعطرية ثم نزول اللحم وناخذ 

المرق نضيف ليه شوية من كل العطرية وشوية الربيع والماء، 

ونصفف اللحم في الطاجين ونحط في الجوانب الجزر 

والملوخلية ومن فوق نحط المطيشة  وفوقها الربيع والماء المخلط مع 

المرق والعطرية نصب على الخضر فوق الطاجين ثم نسد الطاجين 

ونعمل زيف مبلل بالماء في الجوانب ونحط الغلاقة ونحطوا على نار 

مهيلة حتى يطيب تقريبا 45 د




بريوات بالخضرة بطريقة لذيدة وصحية




























http://www.cuisinepress.com/



المقادير كما في المطبخ المغربي


2 كرعات خضرين يكونوا باقين طريين 

3 البوروات 
3 الجزرات 
شوية الزبدة 
شوية الملح 
شوية الإبزار 
الورقة الكافية

طريقة التحضير :
نحك الكرعة، نقطعوا البوروا رقيق ثم نحك الجزر كما في الصورة 

http://www.cuisinepress.com/

http://www.cuisinepress.com/

وفي مقلة على نار مهيلة نوضع فيها شوية الزبدة ونشحر الجزر ونزيد عليه البوروا ويتشحر ونزيد عليها الكرعة حيت متتاخدش الطياب ونضيف شوبة الملح والإبزار. 


ونشحر الكل مع إضافة الزبدة مرة مرة للخضرة ونحرك ثم نترك الخليط يبرد ونوجد الورقة نسرح وحدة ونقطعها مستطيلات طويلة ونبدا نعمر حسب الإختيار بريوات أو مستطيلات، ثم نقليهم في الزيت فسخون أو ندهنهم بشوية الزبدة وندخلهم للفرن راهم تيجيوا لذاذ حتى في الفرن والصور التالية ستوضح أكثر 

بريوات بالخضرة كيجو غزالين3

http://www.cuisinepress.com/

http://www.cuisinepress.com/

http://www.cuisinepress.com/

http://www.cuisinepress.com/

http://www.cuisinepress.com/

http://www.cuisinepress.com/


http://www.cuisinepress.com/

http://www.cuisinepress.com/


http://www.cuisinepress.com/


http://www.cuisinepress.com/

http://www.cuisinepress.com/



http://www.cuisinepress.com/

دجاج بالمطيشة معسلة




المقادير كما في المطبخ المغربي : 

الدجاج حسب عدد الأفراد مثلا : 

2 دجاجات مغسولين ومحكوكين بالملح والحامض ومقطرين من 

الماء بعد غسلهم 

بصلتين مشلظين 

3 فصص كبيرة من الثوم  ممعوس 

شوية الملح

شوية الإبزار 

شوية سكنجبير

شوية الزعفران الحر والخرقوم 

نصف كاس زيت رومية 

شوية الربيع مخلط قزبر ومعدنوس 

شوية السمن حار 

حامضة مصيرة 

الطريقة : 
بعد غسل الدجاج جيدا وحكه بالملح والحامض نغسلوه ونخليه يتقطر 

من الأحسن حتى الصباح أو إلا كنا باغينوا في نفس النهار غير نخليه 

يتقطر مزيان، ونعملوا ليه الشرمولة اللي فيها البصلة مشلظة رقيق 

مع العطرية  ونتركوه فيه لمدة معينة كافية حتى يتشرب العطرية
http://www.cuisinepress.com/

http://www.cuisinepress.com/

http://www.cuisinepress.com/

كما نعمل في الدجاج المحمر باش يجي بنين، من بعد نعملوه يتقلى 
ثم نضيف ليه الماء الكافي ويترك حتى يطيب مع إ ضافة القشاوش 

ويزال من الطنجرة بعدما يطيب، ثم يدهن بشوية السمن مع التحميرة 

أو الزبدة مع التحميرة ويدخل الفرن حتى يتحمر من جميع الجوانب 

والمرق يبقى حتى يختار ويزين بالمطيشة معسلة اللي هي : 


المقادير : 

كيلوا مطيشة حمراء 

شوية الزيت

شوية القرفة 

شوية السنيدة 

وشوية الملح 

شوية ماء زهر 

الطريقة :

نحكوا المطيشة وتزال الزريعة وتخلط في كسرونة على النار مع 

الزيت والملح والسنيدة والقرفة وماء زهر ونتركها الطيب مع التحريك 

حتى تعقاد وتنشف. 


التقديم : 

في طبسيل التقديم نحطوا الدجاج سخون والمرق ديالوا مع 

القشيوشات في الجناب ومن فوق يتزين بالمطيشة معسلة 

سخونة  ويرش عليه من فوق شوية الأكاجوا

http://www.cuisinepress.com/


 أو اللوز مصلوق مقلي

 أو كاوكاو مصلق مقلي كل واحد وذوقوا ويقدم بالصحة والراحة. 

كنافة عربية بالكريما




http://www.cuisinepress.com/

المقادير بقياس مقادير المطبخ المغربي :

1- مقادير الكنافة:

نصف كيلوا كنافة 
رابعة الزبدة مذوبة
رابعة سكر كلاصي

2- مقادير للكريما : 

نصف لتر حليب
قشور حامضة 
شوية السنيدة 
ملعقتين نشا الميزينة 
شوية الزبيب 
شوية بيستاج
ملعقتين قشدة طرية

الطريقة : 
في كسرونة على النار نفيض الحليب مع شوية السنيدة وقشور الحامضة حتى يفيض عاد نضيف النشا محلولة في شوية الماء بارد ونبقا نحرك حتى تعقاد الكريمة ونضيف ليها القشدة والزبيب  نحركها ونخليها على جنب. 

3- مقادير السيروا : 
كأسان سنيدة 
كأس ماء 
حامضة معصرة

 الطريقة :
في كسرونة على النار نخلط الماء مع السنيدة ونحرك حتى تذوب السنيدة وتغلى مزيان عاد نضيف عصير الحامضة ونترك السيروا حتى يثقال. 

طريقة التحضير : 

في إناء عميق نخلط الكنافة مع السكر كلاصي مزيان، عاد نزيد عليها الزبدة مذوبة وندعك الكل مزيان حتى يتجانس الخليط ونحضر مقلة الطيفال ندهنها بالزبدة مزيان ونحط فيها نصف الكنافة ونضغط جيدا، ثم نضع الكريمة من فوق ونضع من فوق الكريمة باقي الكنافة ونضغط جيدا وندخلها الفرن حتى تحمر، من بعد منخرجها نسقيها بالسيروا ويرش من فوق بشوية البيستاج وتقدم  بالصحة والراحة. 




صابونة المعدنوس للبشرة الذهنية

http://www.cuisinepress.com/

المقادير : 

زلافة معدنوس مقطع مغسول ومقطر 

كأس ماء ورد من الصيدلية 

ملعقتين نشا 

ملعقتين زيت أركان خاص بالبشرة 

صابونة كبيرة ديال الكف 

ملعقتين حليب نيدوا 

الطريقة : 

في الخلاط الكهربائي نخلط المعدنوس مع ماء ورد والنشا، وحليب 

نيدوا والزيت أركان ونخلط الكل بالخلاك حتى يطحن جيدا. 

نمر للصابونة في إناء نحتافظ بيه غير لتحضير وصفات التجميل 

لانستعمله مرة أخرى للأكل، المهم نذوب الصابونة فيه بعد تقطيعها 


مع التحريك على نار مهيلة حتى تذوب تماما من بعد نضيف ليها 


الخليط المطحون ونحرك الكل حتى يتجانس مزيان ونصبه في 


قوالب المجمد وندخلها للثلاجة حتى تجمد


من بعدما تجمد نزولها من القوالب ونحتافظ بيها في بلاستيكة 


ونبدا نأخذ منها كل صباح ونغسل بيها الوجه ديانا كل ماحتجينا لهذا.


راحا فعلا صحية أحسن من الصابون العادي للمكونات اللي تدخل 


في هاذ الصابونة المحضرة منزليا فكلنا تنعرفوا فوائد المعدونس 


وشحال تينصحوا بيه خبراء التجميل، بالإضافة لزيت أركان وفوائده 


والحليب غبرة نيدوا والنشا كل هاذ المكونات مفيدة للبشرة نتمنى 


لكل البنات والسيدات بشرة صحية جميلة ورائعة. 

عسل منزلي مذاقه مثل مذاق العسل الحر

http://www.cuisinepress.com/


هذي طريقة لتحضير عسل اللي ذاقوا ميفرقش بينوا وبين العسل الحر، يصلاح لدهن المسمن والبغرير أو حتى ندهنوا بيه الخبز في الفطور أو الكوتي لأنه تيجي غزاااااااال، منطولش عليكم ونخليكم مع المقادير

المقادير كما في المطبخ المغربي

قالب سكر 

نصف لتر ماء 

حامضة 

نصف ليمونة

مجموعة من الأعشاب شوية من كل واحد : 

شوية اليازير 

شوية فليوا 

شوية الزعتر 

شوية زعيترة 

شوية الشيح

شوية أتاي عادي حبوب 

شعيرات قليلة مثلا أربع شعيرات زعفران حر 

وشوية السواك طريف

ست حبات قرنفل 

خمس حبات إبزار 

خمس حبات هيل 

أربع عويدات قرفة 

يكون الكل منقي مغسول ونجمعوا في طريف ثوب حياتي ونحزموه 

مزيان باش ميتحلش. 

الطريقة : 

في كوكوت على النار نضع الماء وقالب السكر والحامضة مقطعة على

 أربع ونصف الليمونة ثم كموسة الأعشاب ونسد الكوكوت مدة ساعة 

لاروب ثم نترك الكوكوت تبرد حتى الصباح، ونزول الحامضة والليمون

 والكموسة وممكن نضيف كاس من العسل الحر إلا كان أو كاس 

الزمزامي لأنه تيزيدوا لذة،  وتيصبر هاذ العسل حتى العام دون 

ميصيبوا أي شي. 


وبالصحة والراحة 

طورطة برايبي من المطبخ المغربي

http://www.cuisinepress.com/


المقادير والطريقة كما في المطبخ المغربي

الطبقة الأولى : 
بيضتان 
ست ملاعق حليب سائل 
ست ملاعق زيت
ست ملاعق سنيدة 
ست ملاعق دقيق 
خمارة وحدة 
فانية وحدة 

طريقة تحضير الطبقة الأولى : 
في إناء نضرب البيض مع السنيدة والفانية، ثم الزيت والحليب 
ونخلطهم في الخلاط الكهربائي ونصبهم في إناء عاد نضيف الدقيق مغربل مع الخمارة ونخلطهم بالضراب العادي ونصب الكل في مول الطهي مدهون بالزيت ومرشوش بالدقيق وتدخل للفرن لتطهى. 

الطبقة الثانية : 
نصف لتر حليب سائل 
ثلاث ملاعق كبار ميزينة 
ملعقتين شكلاط غبرة 
ثلاث ملاعق سنيدة

طريقة تحضير الطبقة الثانية : 
في كسرونة نخلط المكونات جيدا ونشعل نار مهيلة ونحرك حتى يعقاد الخليط ويصب مباشرة على الكيك المطهوا وبارد، ويترك حتى يبرد. 

الطبقة الثالثة : 
أربع علب من رايبي جميلة 
ملعقتين ميزينا 

طريقة تحضير الطبقة الثالثة : 
في كسرونة نخلط المكونات ونشعل نار مهيلة ونخلط حتى يعقاد الخليط ويدفى عاد يصب على الطبقة الثانية في الكيك ، ثم تدخل الثلاجة لتبرد ثم تزين حسب المرغوب أو تزين بالشكلاط محكوك أو شكلاط فيرمسيل. 

وبالصحة والراحة